講起巴黎迪士尼重新規劃出Pixar 園區, 又諗起呢個曾經同香港迪士尼擦身而過嘅怪獸公司遊樂設施, 又話說, 傳說中呢個園區並唔只得一個設施, 亦聽講唔只用第一集電影嘅內容.
不過依家會見到呢個計劃成事嘅機會越來越渺茫.
香港迪士尼尚可用嘅土地唔多, 玩集結一個Movie Studio 成為主題園區嘅重任已交咗俾Marvel. 現有Toy Story Land 旁邊雖然仲有塊空地, 但一塊咁細嘅地可以發展嘅空間亦有限, 假設Arendelle, Mystic Point 同Adventureland 並唔會被考慮作重新規劃讓出更多空間, TSL 旁邊塊地要起另一個主題嘅設施嘅話, 又將會係一個只得單獨設施嘅園區.
Search